المغادرة فن و ليست اعتباطية.
يظن البعض ان نسق التطور و النجاح لا يمكن ان يتراجع و ان من في القمة لا يغادرها.
معظم الناس لا تعرف متى تغادر معظم الناس ما تحكرش وقتاش تعتزل و الا توقف منتوج و الا خدمة معينة.
وقت تبدأ ناجح ديما تخمم باش تزيد تنجح و تحقق اكثر أرباح اكثر شهرة... و حتى فكرة المغادرة تصعب عليك موش خاترك ماتعرفش اما خاتر ماتنجمش
اما في بعض الأحيان وجب الانسحاب في القمة و في النجاح خاتر بعدها اكيد المغادرة اصعب. مغادرة القمة خير من مغادرة القاع.
ديما كي نراو شخصية ناجحة نتصدمو بخروجها و تخليها عن العظمة الي تعيشها و نقولو شبيه و علاش ما يزيدش.
كريستيانو رونالدو انظم لريال مدريد قادم من مانشتر يونايتد سنة 2009 هز كل الالقاب الممكنة بطولة، كأس، سوبر، وتشامبينز ليغ، كأس العالم للأندية. نهار الي الريال ربحت تشامينز ليغ سنة 2018 أعلن عن مغادرتو للفريق و كان اخر ماتش لعبو و انتقل كريستيانو لليوفي.
كي نقعدو في نفس المجال صانع التيكي تاكا الاسطوري بيب غوارديولا درب برشلونة من سنة 2008 لسنة 2012. 4 سنوات هز فيهم 14 لقب غادر الفريق بعد ماهز كل لقب ممكن على الصعيد المحلي، الاقليمي و الدولي.
في بلاد العم سام أسطورة كرة السلة الغير متوقعة مايكل جوردان دخل لشكاغو بولز عام 1984 هز 3 بطولات متتالية 1991-1992-1993 و بعدها خرج لاسباب عائلية. رجع عام عام 1995 و هز 3 بطولات أخرى 1996-1997-1998 و بعدها خرج و هو رابح. الصحافة في آخر موسم لمايكل كل ماتش تسألو وقتاش خارج ؟ خروج مايكل في المرتين مكانش اختيار المرة الأولى المرة الثانية كيف كيف اما كان خاتر كبر في العمر و المجموعة متاعو موش باش تكمل خرج بتيتر و ثلاثية ثانية.
كي نمشيو لعالم البيزنس نلقاو شركة YAHOO مثال لعدم تقدير وقت المغادرة و الخيارات الي لازم تعملها. سنة 1998 yahoo ترفض انها تشري google ب1 مليون دولارـ عام 2002 yahoo تفيق بالغلطة و تحاول تشري google ب 3 بليون دولار لكنها ترفض و تطالب ب 5 بليون الي يخلي YAHOO تبطل و تبدل رايها. سنة 2009 ميكروسوفت تقترح انها تشري ياهو ب40 بليون دولار لكنها ترفض و تختار المواصلة. شركة Verizon تشري ياهو بقيمة 4.6 بليون دولار. أصحاب شركة YAHOO ماعرفوش وقتاش يكملو الطريق و الا وقتاش يغادرو المجال الي ادا لخسارة 90% من قيمتهم.
المغادرة هي فن و كيما اي فن هي حاجة صعيبة.
